DAGS

28.03.2026

Kl.

11:30-15

BROTTFÖR Kl.

11:30

ERFIÐLEIKASTIG

Lýsing

Valur Magnússon ætlar að bjóða aftur í óvissuferð og núna í Hálsaskóg þar sem er afar skemmtilegt að skíða í góðum snjó eins og er þar núna.

Brottför kl. 11:30 frá FFA, Strandgötu 23.

Sameinast í bíla ef vill. 


Ekið veginn áleiðis að Gásum, stoppum við innkeyrsluna í Hálsaskóg. Þræðum stígana í skóginum. Stoppum einhversstaðar fyrir kakó. Þetta er skemmtileg ganga í nýjum snjó eins og við höfum núna.

Fyrirtækið GoHusky er stundum með starfssemi í skóginum og troða fyrir hundasleða. Þeir eru hins vegar bara fyrir hádegi og enginn ætti að trufla annan. 

Takið með ykkur kakó á brúsa eða eitthvað heitt og svo eitthvað til að narta í í „kakóstoppinu“.


Lágmarksfjöldi til að ferðin verði farin er fjórir aðilar.


Ferðin er ókeypis en það þarf að skrá sig.



Skráning í ferðina

Búnaður

  • Dagsferðir á gönguskíðum

    Nauðsynlegur búnaður í dagsferð á gönguskíðum:

    Gönguskíði og skíðaskór. Best er að hafa skíði með stálköntum/utanbrautarskíði

    Skíðastafi (athugið að ólin sé þannig að þið komist í þykkum vettlingum í hana)

    Gott að hafa meðferðis skinn á skíðin

    Skíðagleraugu, sólarvörn og varasalvi

    Vind- og vatnsheldan jakka

    Vind- og vatnsheldar buxur

    Ullarnærföt

    Hanska/vindhelda vettlinga

    Drykkjarflösku og smá orku til að narta í t.d. orkustykki (alltaf eitthvað heitt að drekka)

    Sólarvörn og varasalvi

    Gott að hafa höfuðljós í lengri ferðir

    Sjúkragögn, hælsærisplástur, verkjalyf og annað smálegt

    Sjúkragögn (hælsærisplástur og annað smálegt)

    Gott að hafa létta úlpu og þurra vettlinga (gott líka að hafa „pokavettlinga“ til að hafa yfir aðra). Margir hafa líka með sér þurra húfu